خلاق عالمم ایکی دونیا یاراتمیشام مهدی رسولی

خلاق عالمم ایکی دونیا یاراتمیشام
بنر فاطمیه

 مداحی جدید مهدی رسولی هیئت ثارالله زنجان فاطمیه دوم دی ماه 1400 

 متن مداحی خلاق عالمم ایکی دونیا یاراتمیشام مهدی رسولی

 خلاق عالمم ایکی دنیا یاراتمیشام

 هفت آسمان و ارض و ثریا یاراتمیشام

 گتدیم وجوده نه فلک وکهکشانلاری

 عرش برین و جنت اعلا یاراتمیشام

 آفاقی روشن ایلمیشم آفتابیله

 هم انس و جن و زمره ی حورا یاراتمیشام

 حکمت واریدی نسل بشر گلدی عالمه

 تپراقیدن من آدم و حوا یاراتمیشام

 یوسف گوزلدی،خوش سسی داوده وئرمیشم

 یعقوب و نوحیله،ذکریا یاراتمیشام

 دریاده بطن ماهی ده یونس تاپار پناه

 باشی بدندن آیریلا یحیی یاراتمیشام

 عزرائیلی یاراتدوم آلا انسانین جانین

 احیا ائده ئولنلری عیسی یاراتمیشام

 انجیلی هدیه وئرمیشم عیسی ابن مریمه

 توراته صاحب اولماقا موسی یاراتمیشام

 متن صحف که حضرت ابراهیمین کی دور

 متن زبوری مملوء معنا یاراتمیشام

 کامل ترین کتابیدی قرآن منیم کیدور

 صاحب اولا بو مصحفه طاها یاراتمیشام

 فوج ملک جلالیده چاتماز محمده

 من خاتم پیمبری والا یاراتمیشام

 حی قدیرم هر نیه وار قدرتیم منیم

 دنیایه من علی کیمی مولا یاراتمیشام

مولای ماخلق دی علی باوقاریدی

شوکتده مرتضانی معلی یاراتمیشام

زیبا وجودی خلقتیمه افتخاریدی

هر عیبیدن علینی مبرئ یاراتمیشام

مشتق اولوب منیم ئوز آدیمدان علی آدی

من عالی ام،علینی ده اعلی یاراتمیشام

هر کیم علی جمالینه باخسا منی گورر

ئوز جلوه می علیده هویدا یاراتمیشام

حقه ولی دی،شاه ولا روح قبله دی

شأن علینی کعبه دن اولئ یاراتمیشام

من کعبه نی یاراتدیم اونا زادگاه اولا

بیت الحرامی حیدره ماوا یاراتمیشام

صولتده بی نظیریدی،قدرتده بی بدیل

من هر جهتده حیدری تنها یاراتمیشام

بیرده یاراتمارام من علی مثلی شهریار

شیرخدانی شاه توانا یاراتمیشام

نام علی زبوریده اربادی،هکذا

توراتیده علی آدین الیا یاراتمیشام

رضوانیده امینیدی،قرآنیده علی

انجیل ده نام حیدری بریا یاراتمیشام

ختم نبی محمده ، ساقی کوثری

یار و حبیب لیله الاسرا یاراتمیشام

گتدیم وجوده عالمی پیغمبره گوره

علت بودور که طارم خضرا یاراتمیشام

پیغمبری ده خلق ایلدیم حیدره گوره

شخصیت علینی تعالئ یاراتمیشام

نه مصطفانی خلق ایلیدیم نه حیدری

دنیانی من بخاطر زهرا یاراتمیشام

زهرا کیمی بشر داخی گلمز بو عالمه

زهرانی من ئوزیم کیمی یکتا یاراتمیشام

دنیا هاموسی بیر یانا زهراده بیر یانا

الحق بو خلقتیمده کی غوغا یاراتمیشام

کان حیادی اوج نجابت هماسیدی

باغ شرفده بیر گل رعنا یاراتمیشام

زهرا آدی گلنده ملک لر قیام ائدر

زهرانی من معظم وعظما یاراتمیشام

کفو علیدی حضرت زهرای مرضیه

گور حیدره نه همسر و همتا یاراتمیشام

باخ عز و جاهه اون بیر امامین آناسیدی

دخت نبی نی ام ابیها یاراتمیشام

اوندان گلر جهانه امام حسن،حسین

اهل بهشتیمه ایکی آقا یاراتمیشام

حسن جمیل خلقت امام حسنده دی

من مجتبانی حسنوده زیبا یارتمیشام

اولاد فاطمه ایله والا مقام اولار

زهرانی شأنیده متجلئ یاراتمیشام

کرب وبلایه بسله ماقا شاه تشنه لب

بیر مادر مقدس و علیا یاراتمیشام

من فطرتأ حسینه تمام خلایقی

خلق ایلینده عاشق شیدا یاراتمیشام

اسرار خلقتیمدی حسین ابن فاطمه

استاد علم،علم الاسما یاراتمیشام

دیل ذکر یاحسین دئماقا خلق اولوب،گوزی

ائتسین رخ حسینه تماشا یاراتمیشام

هر گوز حسینه آغلاماسا کور اولا گرک

عشق حسینله دیده ی بینا یاراتمیشام

دوزدور کی تشنه جان وئره جاقدور حسین،ولی

اوندان اوتور من آب گوارا یاراتمیشام

فتح ایلیر او قله ی عشق و سعادتی

قاف شهادته اونی عنقا یاراتمیشام

عاشور غمده شاه شهیده شریک غم

باشی بلالی زینب کبری یاراتمیشام

سردار اولا حسینیمه صحرای عشقیده

عباس تک دلاور هیجا یاراتمیشام

عباس مرتضانین او غیرتلی اوغلودور

عباسیده شجاعتی دریا یاراتمیشام

باخسا گوزل جمالینه یوسفده حظ ائدر

دردانه ی علینی دل آرا یاراتمیشام

غبطه یتیر فرشته لر اول عبد صالحه

پور علینی مظهر تقوا یاراتمیشام

عباس،باوفادی وار اون یدی منصبی

کرب وبلایه گور نجه سقا یاراتمیشام

عباسی هر مریضی اولان سسله سین گرک

مشگل گشادی،درده مداوا یاراتمیشام

(فرهادیا)حضوریوه شامل دی رحمتیم

شکر ایله گور نه طبعیوی گویا یاراتمیشام

 بیشتر دانلود کنید:

  جدیدترین مداحی های فاطمیه

 جدیدترین مداحی های مهدی رسولی

 جدیدترین مداحی های روز همه مداحان

امتیاز: 
میانگین: 1 (1 vote)